Во тешка сообраќајна несреќа што се случи утрово во ридскиот регион на централна Шри Ланка, животот го загубија 21 лице, а најмалку 14 други се повредени, соопшти заменик-министерот за транспорт и автопатишта, Прасан Гунасена.
Трагедијата се случила во близина на градот Котмала, околу 140 километри источно од главниот град Коломбо, кога патнички автобус излетал од патот и паднал од карпа, информира полицијата.
Повредените се пренесени во локални болници, а властите ја истражуваат причината за несреќата. Спасувачките екипи биле веднаш испратени на местото на настанот.
