Земјотрес со јачина од 5,1 степен според Рихтеровата скала ја погоди Јапонија денес, соопшти Европско-медитеранскиот сеизмолошки центар (European-Mediterranean Seismological Centre).
Земјотресот бил регистриран во морето, во близина на архипелагот Рјуку острови, на длабочина од околу 10 километри и на приближно 187 километри од Окинава.
Според првичните информации, засега нема извештаи за повредени лица или причинета материјална штета. Надлежните органи не издале предупредување за цунами.
