Кристијано Роналдо продолжува да испишува фудбалска историја, откако постигна нов погодок во победата на Ал Наср против Нефчи Фаргона од Узбекистан со 3-1, во второто коло од азиската Лига на шампиони.
Португалската суперѕвезда со овој погодок стигна до 981 гол во професионалната кариера, приближувајќи се на само 19 погодоци до историската граница од 1.000 голови.
Ал Наср ја забележа првата победа во новата сезона од континенталното натпреварување, откако пред домашната публика во Ријад успеа да го совлада узбекистанскиот претставник.
Домаќините поведоа во 33. минута со погодокот на Анџело, по што Роналдо ја зголеми предноста на 2-0.
Во второто полувреме гостите успеаја да ја намалат негативата преку Одилов, кој погоди во 51. минута и го врати својот тим во игра.
Сепак, автоголот на Гофуров во 78. минута го постави конечниот резултат од 3-1, со што Ал Наср ги обезбеди трите бода.
Натпреварот го одбележа и необична ситуација пред неговиот почеток.
Средбата започна со речиси еден час задоцнување поради безбедносни закани во Ријад, по што натпреварот сепак беше одигран.
За Роналдо, новиот погодок претставува уште еден чекор кон достигнување на бројката од 1.000 голови, која останува една од неговите најголеми индивидуални цели во завршницата од кариерата.
