Сојузот на спортски федерации на Македонија објави јавен конкурс за избор на унифициран национален дрес на сите репрезентации, во сите спортови.
Дизајнот треба да содржи автентични македонски национални обележја и да биде применлив и функционален.
„Да не бидеме шарени, туку унифицирани и насекаде препознатливи. Твоја идеја, твој потпис!“ – порачуваат од Сојузот на спортски федерации на Македонија.
Како што објавува ССФМ, најдобрите три дизајни ќе бидат наградени и тоа со 50.000 денари, 30.000 денари и 20.000 денари. Конкурсот трае до 15 мај, а идејните решенија треба да се испратат на е-мејлот: [email protected].
