Во рамки на настанот беше организирана хуманитарна аукција на дресот на Стојанче Велинов од периодот во Академија Пандев. Највисоката понуда од 23.000 денари ја даде навивачката група Комити, а средствата ќе бидат наменети за изградба на спомен-обележје за жртвите од трагедијата во дискотеката „Пулс“, што беше поздравено со силен аплауз од присутните.
На спортски план, Вардар славеше убедливо со 1-4 против Осогово. Головите за црвено-црните ги постигнаа Закариќ, Тодоровски и Дурански (2), додека единствениот погодок за Осогово беше автогол на Омерагиќ.
