Екипата на Вараждин беше пред голема победа против Динамо Загреб, но на крајот мораше да се задоволи со бод, одигрувајќи 1:1. Домашниот тим водеше до 80. минута благодарение на погодокот на Димитар Митровски, кој се врати во составот и донесе предност на Вараждин.
Сепак, Динамо не се откажа, а Бруно Петковиќ од пенал во финишот изедначи на 1:1, што беше и конечен резултат. За Вараждин, покрај стрелецот Митровски, настапи и Марио Младеновски, додека Ване Јованов остана на клупата. Кај Динамо, Стефан Ристовски влезе во второто полувреме, додека Аријан Адеми не доби минутажа.
