Барселона вечерва запиша сигурна победа на гостувањето кај Атлетик Билбао, славејќи со резултат 0:3 во натпревар од шпанската Ла Лига.
Каталонците рано го решија прашањето на победникот, благодарение на двата брзи гола на Роберт Левандовски. Искусниот полски напаѓач погоди во 14. и 17. минута, поставувајќи цврста основа за триумф на неговиот тим.
Домаќините од Билбао не успеаја да ги реализираат своите шанси и да се вратат во игра, а казната стигна во самиот финиш. Дани Олмо беше прецизен од белата точка, со што ги постави конечните 0:3.
Барселона, која веќе ја обезбеди шампионската титула, сега има 88 бодови, додека Атлетик Билбао останува на четвртата позиција со 70.
