Министерството за надворешни работи информира дека вечерва на Меѓународниот аеродром Скопје пристигна втората група македонски граѓани евакуирани од Обединетите Арапски Емирати.
Летот од Дубаи носеше вкупно 150 патници: 125 македонски државјани, 7 од Србија, 11 од Косово, 2 од Босна и Херцеговина, 2 од Албанија, како и по еден државјанин од Германија, Ерменија и Црна Гора.
Евакуацијата беше спроведена според претходно утврден план, во координација со надлежните институции, а трошоците за летот беа целосно покриени од државата.
