Денеска, 09 ноември 2025 година, во 11:00 часот, на Меѓународниот аеродром Скопје, полициските службеници го уапсиле 33-годишниот М.Г. од Турција, откако при гранична проверка на излез од државата се обидел да помине со фалсификувана бугарска лична карта.
Од Министерството за внатрешни работи информираат дека документот бил откриен како фалсификат за време на редовна контрола на пасошката контрола, по што веднаш биле преземени мерки за негово лишување од слобода.
По целосно документирање на случајот, против М.Г. ќе биде поднесен соодветен поднесок до надлежното обвинителство.
