Српскиот пејач Љуба Перуќица по долго време отворено проговори за својата поранешна љубовна врска со Александра Пријовиќ, откривајќи детали за нивното раскинување, но и признавајќи дека ја изневерил додека биле заедно.
Во интервју за „Hype TV“, Перуќица раскажал дека со Пријовиќ бил во врска две години, но дека со текот на времето неговите чувства почнале да се менуваат.
„Две години бевме заедно. Се сакавме. На крајот моите чувства се оладија и затоа се разделивме. Подолго време работите не функционираа како порано“, изјавил пејачот.
„Ме молеше да не заминувам“
Перуќица открил дека долго размислувал како да ја заврши врската, а за својата одлука разговарал и со родителите.
„Еден ден реков дека ќе си заминам од станот бидејќи повеќе немаше смисла. Кога заминував, беше многу потресно. Воопшто не ми беше лесно“, раскажал тој.
Според неговите зборови, Александра тешко го прифатила раскинувањето.
„Ме молеше да не заминувам. И по моето заминување повторно разговаравме, се обидував да ја смирам. Беше болно, можеби повеќе за неа отколку за мене“, признал пејачот.
Призна дека ја изневерил
По долгогодишните шпекулации за причините за нивната разделба, Перуќица потврдил дека бил неверен.
„Вистина е дека ја изневерив, но тоа е глупава тема. Не се оправдувам, бевме многу млади. Имав 24 години“, изјавил тој.
Пејачот открил и дека Александра никогаш не дознала за неверството директно од него.
„Не ѝ кажав дека ја изневерив бидејќи не сакав дополнително да ја повредам. Никогаш не ме праша за тоа“, објаснил Перуќица.
„Јас ја признав мојата грешка“
На прашањето дали и Александра некогаш го изневерила, пејачот одговорил дека нема сознанија за такво нешто.
„Не знам. Не можам да кажам дека сум видел или дека сум сигурен. Јас ја признав мојата грешка, а секој нека ја признае својата, ако има што да признае“, изјавил тој, нагласувајќи дека не сака да изнесува непотврдени тврдења за поранешната партнерка.
На крајот истакнал дека нивната врска одамна е минато и дека денес двајцата имаат свои семејства.
„Тоа беше многу одамна. Бевме млади. Таа денес има среќно семејство и деца, исто како и јас. Нема смисла повеќе да се зборува за тоа“, заклучил Перуќица.
