Од утре, 15 јули, започнува големата Summer Sale распродажба на PlayStation Store, со попусти до 75% на стотици игри, додатоци (DLC), проширувања и друга дигитална содржина за PS5, PS4 и PS VR2.
Иако целосната листа на понуди ќе биде достапна дури по официјалниот почеток на акцијата, Sony веќе откри дел од насловите кои ќе бидат вклучени во распродажбата.
Меѓу најпознатите игри што ќе добијат попусти се ASTRO BOT, Assassin's Creed Shadows, Clair Obscur: Expedition 33, Cyberpunk 2077, Death Stranding Director's Cut, God of War Ragnarök, Gran Turismo 7, Monster Hunter Wilds, Stellar Blade и Warhammer 40,000: Space Marine 2.
Во понудата ќе се најдат и голем број претстојни или понови изданија, како Battlefield 6, Borderlands 4, Ghost of Yōtei Digital Deluxe Edition, Hollow Knight: Silksong, Marathon, Mafia: The Old Country, NASCAR 25, NBA 2K26, NHL 26, Nioh 3, Resident Evil Requiem и WWE 2K26.
Љубителите на RPG игрите исто така ќе можат да најдат попусти на дел од серијалите Final Fantasy, Kingdom Come: Deliverance II и други популарни наслови.
Распродажбата започнува на 15 јули, а на 27 јули дел од понудите ќе бидат заменети со нови попусти. Целата акција ќе трае до 12 август, иако одредени понуди ќе завршат порано. Сите достапни попусти ќе бидат објавени на официјалната страница на PlayStation Store кога распродажбата ќе започне.
Извор: Console PC Gaming
