Успехот на апликацијата DeepSeek претставува пример за раст на кинеските компании во областа на вештачката интелигенција (AI).
Напредокот на кинеската апликација за вештачка интелигенција DeepSeek го одразува порастот на кинеските компании во оваа област, изјавил еден официјален претставник на кинескиот парламент, Лу Ќинџиан.
Лу, одговарајќи на прашање за напредокот на Кина во вештачката интелигенција, изјавил дека постигнувањата на младиот тим на кинескиот AI стартап DeepSeek „се за пофалба“, пренесува Ројтерс.
Тој додал дека DeepSeek се придржува до отворен код и промовира широка примена на AI технологијата на глобално ниво, истакнувајќи дека преку порастот на компании како што е DeepSeek, ќе може да се види иновацијата на кинескиот технолошки развој.
„AI стартапот DeepSeek е пофален во Кина откако неодамна го потресе глобалниот технолошки сектор со воведувањето на AI модел кој чини само дел од цената на оние кои ги развиле американските ривали како што е OpenAI“, нагласил Лу.
DeepSeek, кинеска компанија за вештачка интелигенција со седиште во Хангџоу, која е основана пред неколку години како универзитетски стартап, го забрзува лансирањето на наследникот на јануарскиот модел R1.
