Многумина секојдневно ја користат алуминиумската фолија за пакување на храна, но експертите предупредуваат дека тоа може да биде лоша навика. Иако изгледа практично, фолијата не обезбедува херметичка заштита – воздухот лесно навлегува, храната побрзо се расипува и се зголемува ризикот од појава на бактерии.
Дополнително, ако храната е солена или кисела, може да дојде до хемиска реакција со алуминиумот, што го менува вкусот и носи потенцијални здравствени последици. Особено опасно е завиткувањето на топла храна – експертите советуваат секогаш прво да се излади.
Дури и кога е правилно завиткана, храната во фолија не треба да стои повеќе од еден до два дена. За подолгорочно чување најдобро решение се стаклени или пластични садови со капаци кои ја задржуваат свежината и вкусот.
