РЦУК – Куманово известува дека на подрачјето на с. Пелинце, во близина на Меморијалниот центар АСНОМ, како и кај бања Стрновац, реката Пчиња се излеала од своето корито за околу 20 сантиметри.
Според извештајот, во моментот излевањето не зафаќа куќи или викендици, но кај Коински мост е забележано насобирање на поголема количина дрвја, што го отежнува нормалниот проток на реката.
За состојбата е навремено известено Водостопанство Куманово, кое ќе постапи согласно своите надлежности.
