Силното невреме предизвика сериозни поплави во повеќе населени места, а најтешка е состојбата во селото Форино, каде водата навлезе во стотици домови.
Според информациите од Црвен крст на Република Северна Македонија, најризичен е делот од населеното место што се наоѓа во непосредна близина на Вардар. Во одредени зони, објектите се изградени речиси до самото корито, а зголемениот водостој довел до излевање на реката и каналите што минуваат низ селото.
Проценките говорат дека околу 500 објекти се оштетени, при што најголемиот дел се домови за живеење. Материјалната штета е значителна, а многу семејства се соочуваат со сериозни последици.
Хуманитарните тимови веќе дистрибуирале големи количини флаширана вода поради заматената и небезбедна вода за пиење, како и стотици пакети со храна и средства за хигиена. Обезбедена е и психосоцијална поддршка за погодените граѓани.
Поплави се регистрирани и во други населени места во регионот, а во Кичево биле евакуирани над 200 лица, кои привремено се згрижени во спортската сала Спортска сала „Христо Узунов“.
Надлежните служби остануваат на терен, додека граѓаните со страв ја следат состојбата.
