Велешкиот градски базен, познат како Capri Pool Veles, вечерва ќе биде местото каде што летната атмосфера ќе продолжи и по зајдисонце. Со почеток од 20:00 часот, посетителите ќе имаат можност да уживаат во ноќно капење, DJ и опуштена забава под отворено небо.
Capri Pool Veles во изминатиот период е уреден и освежен, со пријатен амбиент и простор кој нуди вистинско летно уживање за сите генерации. Базенот се издвојува со кристално чиста вода, пријатна атмосфера и содржини кои го прават едно од најпосакуваните места за разладување и забава во Велес.
Покрај капењето, посетителите ќе можат да уживаат и во добра музика, вкусна храна и освежителни пијалаци, во амбиент создаден за дружење, релаксација и незаборавна летна вечер.
Од Capri Pool порачуваат дека ова е вечер која не треба да се пропушти: земете го друштвото, подгответе се за добра журка и уживајте во најубавата летна атмосфера под ѕвездите.
