Утре и во вторник во Македонија ќе се задржи сончево и топло време, додека од среда се очекува промена со пороен дожд, грмежи и засилен ветер, информира УХМР.
Утре времето ќе биде сончево и топло, со мала до умерена локална облачност. Ќе дува слаб до умерен ветер од променлив правец. Утринските температури ќе се движат од 8 до 19 степени, додека дневните ќе достигнат од 30 до 35 степени.
Во Скопје се очекува сончево и топло време со мала облачност и слаб до умерен ветер. Минималната температура ќе се спушти до 14 степени, а максималната ќе достигне 34 степени.
Според прогнозата на УХМР, сончевото и топло време ќе продолжи и во вторник.
Од среда, пак, следува период на нестабилност, со услови за пороен дожд, засилен ветер и грмежи.
