Најниската температура утрово во Македонија е измерена во Берово, каде што живата во термометарот се спушти до минус еден степен Целзиусов. Во останатите градови низ земјава утринските температури се движеа од 2 до 8 степени, информираат од Управата за хидрометеоролошки работи (УХМР).
Според податоците објавени од УХМР, во Битола утрово се измерени 2 степени Целзиусови, додека во Струмица температурата изнесувала 3 степени. По 4 степени се измерени во Демир Капија, Скопје-Петровец, Тетово, Крива Паланка и Маврови Анови.
Температура од 5 степени е регистрирана во Попова Шапка, Велес, Штип, Куманово, Прилеп и Претор. Во Охрид, Гевгелија, Кавадарци и на мерното место Скопје-Зајчев Рид се измерени 6 степени Целзиусови. Во Крушево утринската температура достигнала 7 степени, додека најтопло од наведените места било во Виница, каде што се измерени 8 степени.
Што се однесува до временските услови во текот на денот, прогнозата најавува претежно сончево време низ целата земја. Ќе дува слаб до умерен ветер од југоисточен правец, а дневните температури ќе бидат значително повисоки во споредба со утринските.
Максималната температура во земјава ќе се движи во интервал од 20 до 26 степени Целзиусови.
Во Скопје времето ќе биде сончево, со слаб до умерен ветер од северен правец. Дневната температура во главниот град се очекува да достигне до 25 степени Целзиусови.
