Пожарот кој вчера изби во селото Церово, а се прошири кон месноста Карпалак покрај автопатот Скопје – Тетово, е целосно изгаснат, соопшти Стојанче Ангелов, директор на Дирекцијата за заштита и спасување.
Пожарникарите од Тетово и Скопје херојски интервенираа, справувајќи се со тешко пристапен терен и ноќни услови, за да го стават пожарот под контрола. Ангелов изрази благодарност до сите интервенирани екипи.
Во текот на вчерашниот ден се изгаснати 29 пожари на отворен простор, а четирите останати активни пожари се под целосна или делумна контрола.
