По претходно недоразбирање на социјалните мрежи, 14-годишно момче било физички нападнато од друг малолетник во дворот на основно училиште во скопската населба Влае.
Инцидентот се случил на 21 јануари околу 12 часот, а нападот бил пријавен еден ден подоцна од таткото на оштетениот, Ш.Ч. (39) од Скопје, во Полициската станица Карпош.
Според пријавата, момчето се здобило со повреди, а од МВР информираат дека се преземаат сите мерки за расчистување на случајот.
