Министерството за енергетика информира дека Република Северна Македонија располага со доволни стратешки резерви на нафта и нафтени деривати за случај на криза. Државните резерви се редовно одржуваат и контролираат од Агенцијата за задолжителни нафтени резерви МАКОРА, согласно европската регулатива, и се користат исклучиво во случаи на енергетска криза или сериозно нарушување на снабдувањето.
Во моментов, земјата располага со 138,8 милиони литри еуродизел, 32 милиони литри еуросупер БС-95, 10,7 милиони литри екстра лесно масло за домаќинство и 5,2 милиони килограми мазут М-1 НС. Покрај стратешките резерви, редовниот увоз на деривати се одвива непречено, а алтернативниот продуктовод Солун–Скопје овозможува дополнителен сигурносен механизам.
Министерството истакнува дека со стабилните резерви, континуираниот надзор и диверзифицирани извори на снабдување, граѓаните и стопанството нема да почувствуваат недостиг и државата е целосно подготвена за евентуални нарушувања на пазарот.
