Рускиот претседател Vladimir Putin денеска телефонски разговараше со претседателот на Обединетите Арапски Емирати, Mohamed bin Zayed Al Nahyan, за ескалацијата на конфликтот на Блискиот Исток и неговото влијание врз регионалната и глобалната безбедност. Двајцата лидери повикаа на итен прекин на огнот и враќање кон дијалог и политички решенија, пренесе државната агенција Emirates News Agency (ВAМ).
Од Кремљ соопштија дека во разговорот биле разгледани „трагичните настани без преседан“ во контекст на американско-израелските напади врз Иран и одмаздничките акции на Техеран. Путин нагласил дека Русија вложила значајни напори за мирно решавање на прашањето за иранската нуклеарна програма и изразил благодарност за поддршката на руските граѓани во Емиратите.
Во одделен разговор, Путин се слушнал и со емирот на Катар, Tamim bin Hamad Al Thani. Двајцата изразиле загриженост поради можноста конфликтот да се прошири и да вклучи трети земји, како и надеж дека одмаздничките мерки нема да предизвикаат дополнителни цивилни жртви и уништување на цивилна инфраструктура.
Лидерите се согласиле да останат во постојан контакт, додека тензиите на Блискиот Исток продолжуваат да растат по меѓусебните напади меѓу САД, Израел и Иран.
