Екипите на Ј.П. „Паркинг Кавадарци“ денеска се на терен со засилени активности за подобрување на патната инфраструктура и подигнување на безбедноста во сообраќајот, како во централното градско подрачје, така и во околните населени места.
Денеска активно се работи на неколку клучни локации:
- Во с. Марена: Се врши комплетно обележување на пешачките премини со цел поголема безбедност за пешаците.
- На локалниот пат до с. Сопот: Екипите работат на обележување на средната линија на коловозот, што значително ќе ја подобри видливоста и сигурноста при сообраќањето на овој патен правец.
Подготовки за утрешно обележување на булеварите во градот
Паралелно со активностите во селата, во градот се спроведува темелна подготовка за утрешното обележување на хоризонталната сообраќајна сигнализација на главните сообраќајници.
Во тек е координирано чистење, гребење и машинско перење на паркинг-просторите лоцирани на Булевар „Македонија“ и Булевар „Вељко Влаховиќ“. Овие подготвителни активности се клучни за квалитетно и долготрајно нанесување на новата сообраќајна сигнализација која ќе започне во текот на утрешниот ден.
Од јавното претпријатие апелираат до возачите за трпение во сообраќајот и внимателно движење околу локациите каде што се изведуваат градежните работи на терен.
