Македонија ја регистрира осмата жртва од западнонилска треска. Починал 70-годишен жител на скопската населба Драчево, кој се лекувал на Клиниката за инфективни болести и фебрилни состојби.
Информацијата за ТВ 24 ја потврдил министерот за здравство Сашо Клековски.
Од Инфективната клиника информираат дека смртниот исход настапил во текот на вчерашниот ден, а пациентот имал повеќе придружни заболувања.
„Пациентот се лекуваше на Клиниката за инфективни болести и фебрилни состојби, а летална состојба настана во текот на вчерашниот ден. Пациентот беше со повеќе коморбидитети“, информираат од Клиниката.
Повеќе детали за случајот од Инфективната клиника најавуваат во текот на утрешниот ден.
