Никотинските вреќички, познати и како „снус“, станаа популарни меѓу младите, вклучувајќи и ученици од основно училиште. Иако наменети како помош за откажување од пушењето, овие производи содржат високи дози на никотин и предизвикуваат силна зависност, речиси како хероин.
Стручњаците предупредуваат дека една вреќичка може да содржи колку цела кутија цигари, а младите често користат повеќе, што ја зголемува опасноста од здравствени проблеми како неправилни отчукувања на срцето, гадење, главоболка и рани во устата.
Главниот ризик е што никотинските вреќички се тешко препознатливи – нема чад или мирис, па младите можат да ги користат секаде, без да бидат забележани. Со тек на време, телото се навикнува и се потребни сè поголеми дози, што создава циклус на зависност.
Стручњаците предупредуваат: никотинските вреќички не се безопасни, а нивната популарност меѓу младите е алармантна.
