Денес низ Македонија времето ќе биде претежно сончево со мала до умерена облачност, но попладневните часови носат можност за промена на временските услови во одредени делови од земјата.
Според најавите, локално ќе има услови за нестабилно време проследено со пороен дожд, грмежи и засилен ветер. Ќе дува слаб до умерен ветер од западен правец.
Утринските температури ќе се движат во интервал од 7 до 16 степени, додека максималните дневни температури ќе достигнат од 26 до 34 степени.
Во Скопје се очекува претежно сончево време со мала до умерена облачност. Во попладневните часови во делови од котлината можно е краткотрајно дестабилизирање на времето со дожд и грмежи. Ќе дува слаб до умерен северозападен ветер, а температурите ќе се движат од околу 12 степени наутро до максимални 32 степени во текот на денот.
До крајот на работната седмица времето претпладне ќе остане променливо облачно со сончеви периоди, додека попладне локално ќе има услови за пороен дожд, грмежи и засилен ветер.
Најизразени временски промени се очекуваат во четврток, кога според прогнозите ќе има пообилни врнежи, посилен ветер, интензивни грмежи и можност за појава на град во одделни региони.
