Белградската сообраќајна полиција привела 52-годишен возач на „Цитроен“ поради сериозни прекршоци при насилно возење. Возачот Ј. Г. не застанал на даден полициски знак, престигнувал преку полна линија и за само 10 минути поминал дури три црвени светла.
Инцидентот се случил околу 15:15 часот на улицата Угриновачки пат, каде возачот ја игнорирал контролата. Потоа, на улицата Мале Пруге, соочен со густ сообраќај, тој престигнал пет возила преку полна линија, а веднаш потоа поминал на три последователни црвени светла.
Случајот веднаш бил третиран по скратена постапка, а дежурниот судија му одредил 45 дена затвор, една година забрана за управување со моторно возило и 21 казнен поен. Казната почнала да се извршува веднаш, без чекање на правосилност.
