Не заборавајте да ги поместите стрелките: Зимското сметање на времето започнува порано оваа година
Оваа есен ни носи едно од најраните менувања на часовникот во последните децении. Зимското сметање на времето започнува ноќта помеѓу саботата и неделата, на 25-ти и 26-ти октомври, кога во 3 часот наутро стрелките на часовникот се враќаат еден час назад – на 2 часот.
Специфично за оваа година е што промена на времето се случува порано од вообичаеното. Последен пат толку рано преминување на зимско сметање беше забележано пред повеќе од една деценија.
Иако деновите сè уште се топли, есента полека ја зазема својата позиција – ноќите стануваат постудени, а дневните часови се скратуваат. Овој премин носи дополнителен час сон, но и промена во дневната рутина.
Зимското сметање на времето традиционално започнува последната недела од октомври, а датумот варира од година во година. Оваа година, тој е меѓу најраните во последните десет години.
