Бугарскиот европратеник Андреј Ковачев инсистира на итни промени во Законот за бугарско државјанство, кои директно ќе ги засегнат Македонците со бугарски пасоши.
Според него, сегашниот закон е „нелогичен“ и не функционира за легитимирање на бугарската заедница во Северна Македонија. Нацрт-законот предвидува дел од личните податоци на добитниците на бугарско државјанство да станат јавни, со што ќе се види кои се идентификувале како етнички Бугари.
„Јавен регистар со име и место на живеење на сите кои добиле бугарско државјанство ќе покаже колку е голема бугарската заедница во Македонија“, изјави Ковачев. Овој потег, според него, е неопходен за итно усвојување на законот од бугарскиот Парламент.
