Сериозен инцидент со елементи на одмазда и уништување на имот се случил во тетовскиот регион, откако маж од селото Волковија е осомничен дека украл и запалил возило поврзано со неговата поранешна девојка.
Според информациите од СВР Тетово, против Г.С. е поднесена кривична пријава поради сомнение за сторени кривични дела „кражба“, „одземање моторно возило“ и „предизвикување општа опасност“.
Инцидентот се случил на 4 и 5 декември минатата година во селото Брвеница.
Според полицијата, осомничениот од домот на својата поранешна девојка зел клучеви од автомобил, по што го одзел возилото и подоцна го опожарил.
Но, тука не завршил инцидентот. Полицијата информира дека по палењето на автомобилот, тој одзел уште едно патничко возило кое било сопственост на друго лице.
Со второто возило, како што се наведува, заминал кон селото Волковија.
Надлежните институции преземаат понатамошни мерки за целосно расчистување на случајот и утврдување на сите околности поврзани со инцидентот што предизвика внимание во јавноста.
