Полицијата уапси пет лица во скандал поврзан со ИПАРД програмата, меѓу кои и директорот на Агенцијата за финансиска поддршка во земјоделството и рурален развој.
Директорот е осомничен дека примил подарок од 50.000 евра од апликант за да одобри финансиска помош, иако барањето не ги исполнувало условите. Дел од паричните средства, 400 евра, биле пронајдени при претрес.
Останатите четворица осомничени, меѓу кои даночен референт и државен службеник, го поттикнале директорот да изврши службено дејствие кое не смел да го направи. При претресите биле пронајдени и одземени парични средства во значителна вредност.
МВР истакнува дека истрагата продолжува, а на осомничените им следува соодветна кривична одговорност.
