Тешка сообраќајна несреќа со смртен исход се случила рано утринава на магистралниот пат од Граничниот премин Деве Баир кон Крива Паланка, во атарот на селото Узем.
Според информациите од полицијата, на 21 јануари 2026 година околу 04:50 часот, товарно возило „Сканиа“ со косовски регистарски ознаки, управувано од 56-годишниот Н.Х. од Косово, излетало од коловозот и паднало во длабока провалија.
Возачот се здобил со тешки повреди и починал на лице место. Смртта ја констатирал лекар од Итната медицинска помош.
На местото на несреќата бил извршен увид, а телото на починатиот е предадено на обдукција по наредба на јавен обвинител. Причините за несреќата се уште се утврдуваат.
