Вчера попладне се случи тешка сообраќајна несреќа на локален пат кај село Русјаци, општина Македонски Брод.
Во несреќата животот го загуби 41-годишната К.С.С. од Кичево. Автомобил марка „Цитроен“ со кичевски регистарски ознаки, управуван од нејзиниот сопруг, излета од коловозот и се преврте.
Од здобиените повреди, жената почина на местото на несреќата, а телото е предадено на обдукција по наредба на јавен обвинител.
Сопатниците, С.С. (69), М.С. (62) и шестгодишно дете, се здобиле со телесни повреди и се пренесени во Општа болница – Прилеп, каде им е укажана лекарска помош.
