Јавниот сообраќаен превоз (ЈСП) потсетува дека студентите кои користат годишен билет за бесплатно користење на јавен превоз мора да го продолжат или заверaт билетот за 2026 година.
Продолжувањето или заверката започнува од денес, 25 декември 2025 година, и се врши во било кој центар за персонализација на ЈСП Скопје. Студентот мора лично да се јави и да достави:
- Потврда за редовен студент од акредитирана високообразовна установа,
- Оригинален индекс со запишан зимски семестар,
- Лична карта на увид.
За студентите-бруцоши од учебната 2025/2026 година, годишниот билет автоматски важи и за наредната календарска година, без дополнителни постапки.
