Претседателот на Државната изборна комисија, Борис Кондарко, соопшти дека до 18:30 часот на локалните избори во 2025 година, своето право на глас го искористиле 803.091 граѓанин, што претставува излезност од 46,55 отсто на ниво на целата држава.
– Обработени се 3.287 избирачки места, што е 94,62% од вкупниот број. На нив се запишани 1.721.645 граѓани, информираше Кондарко.
Во споредба со локалните избори во 2021 година, кога излезноста до 19:00 часот изнесуваше 49,98 проценти, годинава интересот е нешто понизок.
Првични резултати од неколку општини:
- Гази Баба: ВМРО-ДПМНЕ – 1.543 гласа, СДСМ – 527
- Бутел: ВМРО-ДПМНЕ – 1.422, СДСМ – 276
- Ѓорче Петров: Односот е приближно 3:1 во корист на ВМРО-ДПМНЕ
Од ДИК посочуваат дека гласањето се одвивало мирно, без сериозни нерегуларности, а финалните податоци за излезноста и неофицијалните резултати од првиот круг се очекуваат по полноќ.
Кандидатката Гордана Сиљановска-Давкова, коментирајќи го изборниот ден, изјави дека очекува изборите да бидат пристојни, фер и демократски.
