Во организација на Општина Кавадарци и Програмата за развој на Обединетите нации (УНДП), се одржа инфо ден и обука за граѓанските организации во рамки на регионалната програма за локална демократија во Западен Балкан – ReLOaD3.
На настанот, присутните претставници на здруженијата имаа можност детално да се запознаат со условите и приоритетите на објавениот јавен повик, утврдените критериуми за аплицирање, како и со соодветните методи за подготовка на квалитетни проектни предлози.
Со цел обезбедување дополнителна поддршка на граѓанскиот сектор во процесот на аплицирање, во наредниот период ќе бидат организирани пет менторски средби. На овие сесии, учесниците ќе имаат можност да добијат директни стручни насоки и практична помош при финализирањето на своите проектни апликации.
Крајниот рок за поднесување на предлог-проектите е 25 ноември 2026 година, до 15:00 часот.
Сите дополнителни детали, потребните документи и целосниот текст на јавниот повик се достапни на официјалната веб-страница на Општина Кавадарци.
