Граѓаните од делови на Кисела Вода и Студеничани денеска ќе се соочат со повеќечасовни прекини на електричната енергија поради технички интервенции на мрежата, информираа од РЦУК по известување од ЕВН Македонија.
Прекините започнале уште во раните утрински часови и ќе траат до попладне. Од ЕВН велат дека станува збор за планирани зафати кои се потребни за подобрување и одржување на електродистрибутивниот систем.
Во Кисела Вода без струја ќе останат делови околу булеварот „Борис Трајковски“, особено индустриската зона во Пинтија. Во меѓувреме, во општина Студеничани исклучувањата ќе погодат повеќе населени места и села во околината.
Од компанијата апелираат граѓаните и фирмите да имаат разбирање додека траат работите на терен, со цел системот да функционира постабилно во иднина.
