Министерството за социјална политика, демографија и млади соопшти дека денеска започна исплатата на правата од социјална, детска и цивилна заштита за месец ноември 2025 година.
Корисниците кои поседуваат дебитна картичка можат да ја подигнат готовината директно од банкоматите на банките, додека оние кои немаат картичка ќе добијат известување за исплатата и можност за подигнување на средствата на шалтерите на банките.
Министерството ги повикува граѓаните да ги користат безбедните електронски начини на исплата и да ги следат официјалните информации за да избегнат непотребни непријатности.
