По сончевото и пријатно утро, граѓаните попладне треба да бидат подготвени за промена на временските услови. Според прогнозите, во повеќе делови од земјата ќе има локална нестабилност проследена со пороен дожд, грмежи и засилен ветер.
Во текот на денот ќе преовладува сончево време со мала до умерена облачност, додека температурите ќе се движат од 24 до 33 степени. Ќе дува слаб до умерен ветер од северозападен правец.
Во главниот град се очекува слично време. Скопје претпладне ќе биде сончево, но во попладневните часови во одредени делови од котлината се можни краткотрајни врнежи и грмежи. Максималната температура ќе достигне околу 30 степени.
Според најавите, и во текот на следната седмица времето ќе остане релативно топло, но попладневните часови ќе носат зголемена нестабилност. Метеоролозите предупредуваат дека во четврток се очекуваат поинтензивни врнежи и пообилен дожд во повеќе региони од земјата.
Граѓаните се советуваат да ги следат временските прогнози и да бидат внимателни при планирање активности на отворено во попладневните часови.
