Студенти, професори, вработени во Универзитетот „Св. Климент Охридски“ – Битола, заедно со ректорот Игор Неделковски и градоначалникот Тони Коњановски, денеска оддадоа почит на жртвите од трагичниот пожар во Кочани.
На комеморативниот настан, присутните со минута молчење и положување цвеќе изразија солидарност со семејствата на настраданите и поддршка за повредените.
Градоначалникот Коњановски истакна дека Битола сочувствува со болката на семејствата и дека оваа трагедија ги обедини сите во тагата и поддршката за настраданите.
