Во Општина Карпош официјално беше пуштен во употреба нов базен, наменет пред сè за најмладите, со цел да се поттикне спортскиот дух и здравиот развој кај децата.
Локалните власти најавија дека сите ученици од прво до трето одделение ќе имаат можност да посетуваат бесплатни часови по пливање, додека влезот за учениците од општината ќе биде целосно бесплатен.
Базенот е изграден според стандарди прилагодени за деца – долг е 25 метри, широк девет метри, а длабочината се движи од 0,8 до 1,2 метри, што го прави безбеден и погоден за почетници.
Од Општината посочуваат дека главната цел е во наредните години сите деца до деветгодишна возраст да стекнат основни вештини за пливање, што ќе придонесе за нивниот физички развој и безбедност.
Проектот е реализиран со финансиска поддршка од државата, а за изградбата се инвестирани околу 760 илјади евра.
На отворањето присуствуваа високи државни претставници, меѓу кои премиерот и министерот за спорт, кои ја истакнаа важноста од вложување во спортска инфраструктура.
Настанот беше искористен и за одговори на актуелни политички прашања, при што беше потенцирано дека здравствената состојба на градоначалникот е лична работа и не треба да биде предмет на политички коментари.
