Во 2026 година, граѓаните на Македонија ќе имаат можност за вкупно седум продолжени викенди, додека за православните верници бројот ќе биде уште поголем – дури десет неработни денови низ годината.
Според календарот на државни и верски празници, Новата година (1 јануари) паѓа во четврток, а Божик на 7 јануари (среда), што ќе овозможи продолжени викенди. Следуваат и празници како Рамазан Бајрам (20 март, петок), Велигден (13 април, понеделник), Денот на трудот (1 Мај, петок), „Св. Кирил и Методиј“ (25 мај, понеделник), Денот на Републиката (3 август, понеделник) и Денот на народното востание (12 октомври, понеделник).
За православните верници, покрај овие датуми, неработни ќе бидат и Бадник (6 јануари), Водици (19 јануари), Велики Петок (10 април), Духовден (29 мај) и Голема Богородица (28 август).
Католиците ќе празнуваат вториот ден на Велигден (6 април), Празникот на сите светци (1 ноември) и Божиќ (25 декември), додека муслиманите ќе имаат неработен првиот ден на Курбан Бајрам (27 мај). Други верски заедници исто така ќе имаат свои празници, вклучувајќи Србите, Ромите, Власите, Евреите, Бошњаците и Турците.
Ваквиот календар на празници во 2026-та година нуди можност за повеќе одмор, семејни активности и патувања низ целата земја.
