Многумина сонуваат за живот на крузер – бескрајно море, егзотични пристаништа и секојдневна авантура. Но, како изгледа вистинската страна на оваа работа, кога патувањето и работата стануваат едно, а слободни денови практично и нема?
Анаја, позната на TikTok како @anayadaisy.travels, го откри својот секојдневен живот на крузер и одговори на најчестото прашање што го добива: Дали екипажот воопшто има слободни денови?
Без слободни денови
„Често ми прашуваат и гости на бродот, и луѓе надвор од него – дали имаме слободен ден? Одговорот е не,“ вели Анаја. Таа објаснува дека „непишаното правило“ е дека за време на целиот договор не се земаат слободни денови.
Договорите траат од три до осум или девет месеци, а бродот плови речиси секој ден, па нема простор за целосен одмор.
Како изгледа работниот ден?
„Иако работиме седум дена во неделата, не значи дека работиме цел ден“, објаснува Анаја.
Нејзиниот распоред е поделена работа: утринската смена до пладне, па пауза за одмор и слободно време – понекогаш на екскурзија на брегот, бидејќи таа работи во одделот за излети, а попладне продолжува со работа.
Време за уживање
Средината на денот е резервирана за лични активности. Членовите на екипажот можат да се опуштат на бродот, да го истражат пристаништето или да одат на кафе и ручек.
„Иако не е целосен слободен ден, сепак имате можност да уживате во новите места што ги посетувате,“ вели Анаја.
Цената на авантурите
Како најголема предност ја истакнува можноста да се разбуди во нова земја секој ден.
„Кој друг вид работа ви дозволува тоа? Ова е цената што ја плаќаме за патување низ светот, а мене навистина не ми пречи,“ заклучува Анаја.
