Германскиот медиум Дојче Веле ја обвини израелската војска за напад врз нивниот тим новинари додека известувале од Западниот Брег. Според соопштението, израелските војници им се заканиле со оружје и испукале солзавец додека снимаа во Рамала, и покрај тоа што носеле јасно обележана опрема со ознака PRESS.
Новинарите биле изложени на солзавец, но не биле повредени. Дојче Веле нагласува дека овој инцидент ја покажува опасноста со која се соочуваат медиумските професионалци на теренот, додека известуваат за палестинските протести.
Ова е втор напад на нивниот тим на Западниот Брег, бидејќи во јули дописничката и нејзиниот снимател беа каменувани од израелски доселеници, но успеале да избегат. Генералниот директор на ДВ, Петер Лимбург, изјави дека „повторните напади врз новинарите се апсолутно неприфатливи“ и дека нема оправдување за закани кон медиумските работници, без разлика дали тие доаѓаат од војската или други групи.
