Во Сиднеј, браќата Никола и Јован Радевски продолжуваат семејна традиција од Македонија, печејќи бурек по рецептот на прадедо во своето кафуле „Рокдејл“.
- Подготвуваат седум видови бурек, вклучувајќи месни, сирење, и вегетаријански верзии.
- Тестото е полесно, со сончогледово масло наместо маст, а состојките се локални или увезени од Македонија.
- Браќата исто така произведуваат матеница, која станала хит кај клиентите, со до 400 конзерви неделно.
- Целта им е да ја запознаат пошироката јавност во Сиднеј со македонската гастрономија.
Good Food Australia го оцени бурекот на Радевски како едно од најпотценетите јадења во градот.
Браќата Македонци, Никола и Јован Радевски секое утро печат неколку видови солени и слатки буреци според рецептот на нивниот македонски прадедо. Ги продаваат во нивното кафуле „Рокдејл“. Во Сиднеј, не многу луѓе знаат за бурекот како гастрономско задовоство. На Австрлијанците познати им се гирото и ѓозлезето, но сепак влегуваат во кафуле и прашуваат што е бурек, вели Јован Радевски. Good Food Australia пишува дека бурекот на браќата Радевски е една од најпотценетите јадења во Сиднеј. Тестото е исполнето со свежа рикота и фета сирење, а она со месо зачинето е со мешавина од мелено говедско месо и карамелизиран кромид. Вкупно, тие прават седум видови бурек. Многу луѓе во Сиднеј не знаат за бурекот, но браќата Радевски пораснале со бурек. Нивниот прадедо Божин Радевски го произведувал, а нивниот татко Ристо Радевски ја продолжил традицијата во ресторанот за брза храна „Пела Бурек“ во Рокдејл. – Го јадевме секој ден, а тато ми нè научи како да го правиме, рече Јован Радевски, чиј татко го затворил тој ресторан во 2011 година.
Иако Јован студирал трговија, а Никола бил воздухопловен инженер, тие никогаш не престанале да размислуваат за бурекот. Во 2018 година, го изнајмиле просторот, го реновирале и поставиле маси за 15 лица. – Моравме да ја продолжиме семејната традиција, вели Радевски. Целта на него и неговиот брат беше да го запознаат пошироката заедница во Сиднеј со бурекот, а за да го постигнат тоа, некои работи ги прават поинаку. Тестото е полесно, со сончогледово масло наместо свинска маст. Тие исто така се прилагодуваат на ограничувањата во исхраната, па затоа бурекот од компир и праз е целосно на растителна основа, но доволно вкусен за да ги импресионира сите. Состојките ги добиваат локално, а месото од либански месар или директно од добавувачи во Македонија. Во август, браќата купија машини за пастеризација и конзервирање за да почнат да го прават сопствениот матеница, што се покажа како хит кај клиентите. Тие продаваат до 400 конзерви матеница неделно. Бурекот се прави секојдневно, а често и по нарачка.
