Нови снимки од роденденската прослава на ќерките на Јелена Карлеуша и Душко Тошиќ продолжуваат да привлекуваат внимание на социјалните мрежи, а еден момент од вечерта особено предизвика реакции.
На видеото се гледа како диџејот започнува да го пушта хитот на Карлеуша „Muškarac koji mrzi žene“, по што пејачката веднаш реагира.
„Немојте тоа, ве молам“, се слуша како вели Карлеуша, додека Душко Тошиќ, кој стоел спроти неа, ја набљудувал ситуацијата со збунет израз.
Според коментарите и наводите што се појавија на социјалните мрежи, Јелена наводно не сакала песната да биде пуштена пред децата. Таа причина, сепак, не е официјално потврдена од пејачката.
Снимката брзо почна да се споделува, особено затоа што на прославата заедно беа Карлеуша и нејзиниот поранешен сопруг.
Иако нивниот брак е завршен, Јелена и Душко заедно присуствуваа на важниот ден на своите ќерки и беа дел од прославата организирана за нив.
Од вечерта претходно се појавија и други видеа кои предизвикаа внимание, меѓу кои и снимка на која Душко пее во близина на Карлеуша.
Прославата беше организирана по повод полнолетството на Атина Тошиќ и 17-тиот роденден на Ника Тошиќ, а фотографиите и видеата од настанот со денови се споделуваат на социјалните мрежи.
