Божиќното подарување за некои е чиста формалност, додека за други во тој процес се наоѓа посебно задоволство. Најдобрите божиќни подароци не се нужно најскапи, туку оние кои покажуваат колку некој размислувал за лицето на кое му подарува.
Вниманието, трудот и разбирањето на желбите на другите често ја прават разликата помеѓу просечен и совршен подарок. Во астрологијата, одредени хороскопски знаци се истакнуваат токму по таа способност да даваат одлични подароци. Еве за кои знаци станува збор:
Лав
Лавовите пристапуваат кон подарувањето со голем ентузијазам. Тие сакаат да изненадуваат и да остават силен впечаток, па ќе се потрудат нивниот подарок да биде посебен, убаво спакуван и впечатлив. За нив, подарокот не е само предмет, туку искуство.
Тие добро паметат што некој сака и не се плашат да потрошат време или пари за да ја израдуваат саканата личност. Лавовите уживаат во моментот на отворање на подарокот и искрените реакции, што дополнително ги мотивира да бидат внимателни кога станува збор за подарување.
Девица
Девиците избираат подароци со акцент на практичност и реални потреби. Тие слушаат, паметат и забележуваат ситници, па често ќе подаруваат нешто што ќе се користи секојдневно. Нивните подароци не се импулсивни, туку внимателно избрани и корисни.
Иако можеби на прв поглед не се спектакуларни, подароците што ги избира Девицата често се вистински погодок. Токму таа функционалност и вниманието кон деталите ги прават одлични во подарувањето.
Рак
Раковите подаруваат со срце. За нив најважно е лицето да се чувствува сакано и ценето, па често избираат емотивни, персонализирани или симболични подароци. Нивните подароци често носат спомени, пораки или личен печат.
Раковите се трудат да создадат чувство на топлина и блискост, а нивните подароци често будат емоции. Без разлика на вредноста, подарокот што го подаруваат Раковите речиси секогаш има посебно значење.
Бик
Биковите имаат изразен чувство за квалитет и естетика, што јасно се гледа во нивните божиќни подароци. Тие сакаат да подаруваат убави, трајни и пријатни работи кои ќе се користат и паметат долго време. Кај нив нема импровизации или брзи одлуки.
Нивните подароци често одразуваат умерен луксуз – добар вкус, удобност и трајност. Биковите сакаат лицето на кое подаруваат да се чувствува посебно и среќно.
