По повеќе години врска чувана далеку од јавноста, познатата македонска пејачка Дани Димитровска повторно стапи во брак. Таа вчера, на 10 септември, се омажи со својот долгогодишен партнер – поранешниот кошаркар и сегашен директор на КК „Работнички“, Горан Веселиновски – Весел.
Интимната венчавка помина во семејна атмосфера. Дани блескаше во друштво на сопругот, нејзиниот син Лазар и ќерката на Горан од неговиот прв брак.
На својот Инстаграм профил пејачката објави две фотографии – едната со децата, а другата покрај својот избраник. Наместо класична венчаница, таа избра модерен стајлинг со бели панталони и ролка без ракави со карнери, додека Горан беше во бела кошула.
Ова е втор брак за Дани – првиот пат се омажи на 20 години, а веќе на 21 година го доби синот Лазар. Со новиот сопруг, пак, ја почнува втората брачна приказна, која изгледа дека ќе биде исполнета со многу љубов и хармонија.
