Џенифер Лопез доживеа несреќа пред големиот настан: Заврши со повреди на лицето [ФОТО]

Џенифер Лопез се повреди на проба за АМА наградите

Латино ѕвездата Џенифер Лопез доживеа незгода за време на проба за нејзиниот настап на претстојната церемонија на доделување на американските музички награди (AMAs). Според објавените фотографии, Лопез ја удрила главата и го повредила носот.

На Инстаграм, Џеј Ло сподели фотографија со ќесе мраз на лицето и кратко напиша: „Значи… Ова се случи.“ Во следните објави покажа како изгледа нејзиниот повреден нос и позираше со лекарот кој ја заши раната, изразувајќи благодарност.

Во меѓувреме, јавноста сè уште зборува за нејзиниот развод од актерот Бен Афлек. Двојката се раздели во февруари оваа година, а разводот беше официјално финализиран на 6 јануари од страна на суд во Лос Анџелес. Благодарение на медијација, избегнаа долга судска постапка.

Во интервју за „Ел Паис“, Лопез зборуваше и за разговорот со своите деца, Ема и Макс, од бракот со Марк Ентони.

„Им реков: ‘Ова е тежок период, но ќе го поминеме. Ќе излезам посилна и подобра’ – и така беше. Сега и тие го чувствуваат тоа, а мене ми носи мир“, изјави пејачката.