Ако некогаш сте се запрашале колку е старо вашето срце, експертите откриваат дека неговата вистинска возраст може да биде изненадувачки поголема од вашата хронолошка. Истражувањата покажуваат дека кај многу Американци срцето е просечно од четири до седум години постаро, а кај лица со понизок социоекономски статус разликата може да достигне и до десет години.
Постарата возраст на срцето може да го скрати животниот век, бидејќи фактори како висок крвен притисок, покачен холестерол и недостаток на физичка активност го забрзуваат стареењето на срцето.
Кардиологот Садија Кан создаде онлајн алатка за пресметка на возраста на срцето. Калкулаторот, наместо апстрактни проценти на ризик, ја покажува вистинската возраст на срцето врз основа на фактори како пушење, крвен притисок и холестерол. Ако вашето срце е постаро од вашата хронолошка возраст, тоа е знак дека е време да го промените животниот стил и да се консултирате со лекар.
Истражувањата покажуваат дека срцето на жените е во просек четири години постаро, додека кај мажите разликата може да биде и до седум години. Кај лица со понизок социоекономски статус, возрастта на срцето може да биде и до десет години поголема од реалната.
Како да го „подмладите“ срцето:
Здрава исхрана – Балансирана храна богата со овошје, зеленчук, интегрални житарки, посни протеини и здрави масти, како маслиново масло, јаткасти плодови и риба. Избегнувајте заситени масти, транс масти, прекумерна сол и шеќер.
Редовна физичка активност – Најмалку 150 минути умерена активност неделно или 75 минути интензивна активност. Вежбањето помага во регулирањето на крвниот притисок, холестеролот и телесната тежина.
Контрола на стресот – Хроничниот стрес негативно влијае на срцето. Практикувајте длабоко дишење, медитација, јога или активности што ве опуштаат и ве исполнуваат.
Редовни прегледи и откажување од лоши навики – Контролирајте крвен притисок, шеќер и холестерол. Престанете со пушење и избегнувајте прекумерна консумација на алкохол.
Следењето на овие четири принципи може да помогне срцето да остане здраво и „подмладено“, намалувајќи ризик од сериозни кардиоваскуларни заболувања.
